Թումո ակադեմիան տալիս է հնարավորություն ձեռք բերել նոր մասնագիտություն և աշխատել Թումոյի նորարարական կրթական միջավայրում

Այս պահին Թումոն դասընթացավարների կարիք ունի այս կենտրոններում: Հետագայում ծրագիրը կընդգրկի այլ կենտրոններ ևս:

Ակադեմիա դիմելու համար նախնական փորձը պարտադիր չէ: Ակադեմիայի հմուտ մասնագետները ինտենսիվ դասընթացի ընթացքում ձեզ կփոխանցեն ձեր ընտրած ոլորտի գիտելիքները:

Թումո ակադեմիայի հայտերը այժմ բաց են միայն Դիլիջանի, Կողբի և Կապանի կենտրոնների համար: Եթե հիմա դիմում եք, ապա պարտավորվում եք գնալ և առնվազն երկու տարի աշխատել ձեր ընտրած Թումո կենտրոնում:

Թումոյի կրթական ծրագրի ընդլայնման հետ մեկտեղ նաև մեծանում է անհրաժեշտությունը համապատասխան մասնագետների: Այդ իսկ պատճառով որակյալ մասնագետների կարիք միշտ կա:

Ծրագիրն անվճար է

Առաջին եռամսյակի համար կրթաթոշակը  կազմում է ամսական 75.000 հհ դրամ, իսկ երկրորդ եռամսյակում` 120.000 հհ դրամ։

Դասընթացը կանցկացվի երկու փուլով. առաջին փուլի (մայիսից հուլիս) ընթացքում ուսուցումը կենտրոնանալու է ընտրած ոլորտի ուսուցման վրա: Ապագա դասընթացավարները նաև ուսումնասիրելու են Թումոյի մանկավարժական մեթոդաբանությունը: Այս փուլում ամեն ամսվա ավարտին մասնակիցները հանձնում են նախագիծ, որի հիման վրա կամ անցնում են հաջորդ փուլ, կամ դուրս մնում ակադեմիայից:
Երկրորդ փուլում մասնակիցները անցնում են եռամսյա վճարովի գործնական ուսուցում մարզային կենտրոնում (Կապան, Կողբ և Դիլիջան քաղաքների Թումո կենտրոններում):
Ծրագիրը  հաջողությամբ ավարտելուց հետո մասնակիցները ստանում են աշխատանքի առաջարկ`որպես դասընթացավար  նախապես նշված Թումո կենտրոնում:

Թումո ակադեմիայում կրթությունը նախատեսված է երկուշաբթիից ուրբաթ, ութժայմա գրաֆիկով: Դասերը կլինեն 10:00-15:00, ապա  մասնակցիները նույն օրը մինչև 19:00  պետք է կատարեն հանձնարարված առաջադրանքները:

Հայտադիմումը լրացնելու վերջնաժամկետը ապրիլի 1-ն է: Հայտադիմուներն ուսումնասիրվում են, համապատասխան թեկնածուները հրավիրվում են հարցազրույցի: Հարցազրույցի փուլն հաղթահարած մասնակիցներին տրվում է առաջադրանք, որն էլ հաջողությամբ իրականացնելուց հետո մասնակիցն ընդունվում է Թումո ակադեմիա:

Դասերը նախատեսվում է սկսել մայիսի 1-ից

Դասերն անցկացվելու են Երևանի կամ Դիլիջանի Թումո կենտրոններում: Առաջին երեք ամիսների կեցությունն ապահովում է Թումոն: Պրակտիկ ուսուցման ընթացքում կեցություն չի տրամադրվում:

Այո, նոր ընդունելություն կլինի: Այս պահին Ակադեմիայում հնարավոր է սովորել Թումոյի ութ ոլորտներում՝ եռաչափ մոդելավորում, խաղերի մշակում, նկարչություն, ֆիլմերի ստեղծում, անիմացիա, երաժշտություն, լուսանկարչություն և ստեղծագրություն, իսկ հետագա փուլերում հասանելի կլինի Թումոյի բոլոր 14 կրթական ոլորտներում:

Այո, բոլոր կենտրոնների համար պարբերաբար նախատեսվում է ընդունելություն

Անգլերենի իմացությունը պարտադիր չէ, սակայն խիստ ցանկալի է:
Դասընթացի շրջանակում օգտագործվող որոշ նյութեր` հոլովակներ, գրքեր, դասախոսություններ կլինեն անգլերենով: